البيوتين هيساعدك ازاي، وهل بينبت شعر جديد فعلًا؟
البيوتين فعلا مهم لصحة الشعر ومكمل جمال مهم عموما، بس مش بالطريقة اللي انتي فهماها انه هينبتلك شعر جديد وكدة، لا هشرحلك هو بيعمل ايه بالظبط، بس الاهم انك تعرفيه انه اصلا اهميته الاكبر انه مهم جدا للطاقة والحرق حرق الدهون والكارب والبروتين، يعني لو ناقص عندك دايما هيكون عندك مشاكل في الطاقة.. البوتين اهميته للشعر بتيجي من انه بيدخل في تكوين الكيراتين، البروتين اللي بيتكون منه الشعر، فده بيدعم قوة الشعرة وحمايتها من التقصف والتكسر وبيزود مرونتها.. يعني مش هينبتلك شعر جديد، لكن هيحمي شعرك من التكسر بالتالي شعرك هيطول اسرع ومظهره هيكون صحي اكتر.. كمان بيقلل من ضعف وهشاشة وتكسر الاظافر، وبيدعن صحة الجلد وبيوازن افراز الدهون، يعني لو افراز الدهون عندك زايد سواء في البشرة او فروة الشعر البيوتين ممكن اكتر الحاجات اللي ممكن تساعد في حل المشكلة دي
