لو بتستخدمي زيت جوز الهند على وشك أو جسمك هيحصل ايه

زيت جوز الهند العادي زيت تقيل وممكن يسد المسام.. لكن في نفس الوقت هو مرطب جيد جدا للجلد.. طيب زيت جوز الهند العادي امتى يستخدم؟ في حالة لو كان جلدك جاف وناشف جدا جدا.. الاماكن اللي فيها جفاف شديد زيت جوز الهند العادي هيكون مناسب معاها.. الاماكن اللي فيها تشققات الكعب الكوع الركبة فيه بعض الناس بيكون عندهم جفاف شديد وتراكم لطبقات الجلد ده بيسبب تشققات زيت جوز الهند العادي اللي هو بنستخدمه في الاكل هيكون مفيد جدا في الحالة دي.. لكن بشرط، ممنوع استخدامه على جلد ناشف.. هتستخدميه بعد الشاور او لو على رجليكي مثلا تنقعيهم الاول في مياه شوية وبعدين والجلد لسه رطب كدة نحط زيت جوز الهند.. كدة هيقفل على الرطوبة ويمنع تبخرها

فيه استخدامات تانية؟ اه.. حبايب قلبي اللي جلدهم بيلتهب بعد ازالة الشعر.. بس في الحالة دي هنستخدم زيت جوز الهند المجزأ، لان المسام بتكون مفتوحة والزيت العادي تقيل ممكن يسدها فبنستخدم المجزأ، بيهدي الالتهاب والتهيج

ليه فيه استخدامات تانية؟ اه.. بعد التعرض للشمس، لنفرض اتعرضتي لشمس شديدة جديدة وجلدك التهب.. هنستخدم زيت جوز الهند المجزأ فورا هيهدي الالتهاب بسرعة، وتقدري كمان تستخدميه على وشك واي مناطق الجلد فيها حساس اكتر.. بعد ما الجلد يهدى.. بعد ١٢ ساعة مثلا او تاني يوم نبدأ نستخدم زيت جوز الهند العادي نقدر نحط منه طبقة خفيفة على الجلد

وشك عموما ممنوع تحطي عليه زيت جوز الهند العادي بتاع الاكل نهائيا.. زيت جوز الهند المجزأ تقدري تستخدميه كمرطب خفيف.. ٣-٤ نقط كفاية، وتقدري كمان تستخدميه كمزيل ميكب دهني.. بيسيح الميكب تماما وبعد كدة تغسلي وشك بالغسول.. آمن وفعال جدا عن تجربة
تقدري كمان تستخدميه كليب اويل.. مرطب للشفايف، حقيقي رائع بيقضي على الجفاف، بيقلل جدا من الخطوط اللي بيكون سببها الجفاف تقدري تستخدميه في اي وقت خصوصا قبل النوم

exOf(`/button/${e.button}/embed`)>-1&&a(n,e)})},!1);})()