الغلطة دي بتقع فيها ستات كتير جدًا

في التلت الاول من الحمل مهم جدا تعرفي كل المحاذير والحاجات اللي انتي محتاجة تبعدي عنها لانها كتير حبتين اكتر، فمحتاجة تركزي شوية انتي بتدخلي جسمك ايه
كل المنتجات الحيوانية النية او الغير مطهية بدرجة كافية خطر جدا على الحامل في الشهور الاولى.. فيه ناس ممكن تستغرب هتيجي منين المنتجات الحيوانية النية دي يعني هنعض البقرة وهي واقفة؟ هقولك لا لو ركزتي شوية وفكرتي هتلاقي فيه اكلات كتير بتتاكل نية او مش مستوية تماما
عندك مثلا السوشي سمك ني، الرنجة سمك ني، الفسيخ واه فيه ستات مستهترة وغير مسؤولة بتاكل فسيخ اثناء الحمل وتقولك اصلي عديت اول ٣ شهور فخلاص، لا انتي ممكن تاكلي حاجة نية وانتي حامل وانتي مايحصلكيش اي اعراض وتبقي تمام وزي الفل بس جنينك يتأذي ومش هتكتشفي ولا هتحسي بأي مشكلة لكن هتعمله مشكلات خطيرة في النمو
عندك كمان الستيك، انا مثلا يا ستي واحدة بحب اكل الستيك ميديم رير، يعني اقرب لانه يكون ني، ممنوع تاكلي اللحوم مش مستوية كويس في المرحلة دي، البيض، لازم تتأكدي انه استوى كويس.. الجين لو هتاكلي جبن لازم تكون مبسترة، انا مافضلش انك تاخدي منتجات البان اصلا، لأن الجبن المبسترة عادة بتيجي مع مواد حافظة ده لو ماكانتش كمان مطبوخة وكلها دهون مهدرجة

ندى حرفوش مدربة الصحة العامة
مهتمة بعلاج وتشافي الامراض المناعية والمزمنة والشائعة، وتطوير الوعي الذاتي والصحة النفسية كجزء أساسي من الصحة العامة للفرد. عن طريق التغذية والأساليب الطبيعية، بعد أن خاضت تجربة شخصية مع العلاج بالتغذية، استطاعت خلالها التعافي من آثار جلطة دماغية، والتهاب الكبد الوبائي سي، والتهاب المفاصل الروماتويدي، قامت بعدها بدراسة التغذية العلاجية بالتعلم الذاتي، وأنشأت مشروعها بهدف نشر التوعية الصحية واكتشاف إمكانيات الجسد في الشفاء الذاتي، وتغيير الأفكار النمطية التقليدية عن الأمراض وكونها أبدية وغير قابلة للعلاج كما يُرَوَّج

Nada Harfoush, public health coach
Interested in treating and recovering autoimmune, chronic and common diseases. Through nutrition, after she had a personal experience with nutrition therapy, she was able to recover from the effects of a brain stroke, hepatitis C, and rheumatoid arthritis, and established project with the aim of spreading health awareness Discovering the body’s self-healing capabilities

تنبيه هام: المعلومات الواردة في هذا الفيديو مخصصة للأغراض التعليمية والتوعوية فقط، ولا تُشكل نصيحة طبية بديلة عن استشارة الطبيب المختص أو مقدم الرعاية الصحية. استشر طبيبك دائماً قبل إجراء أي تغييرات في نظامك الغذائي