معلومة غيرت تجربتي مع الروماتويد
معلومة كان نفسي اي حد يقولهالي اول ما اتشخصت بالروماتويد، بدل جملة تعايشي مع الموضوع مافيش علاج اللي ماعندهمش غيرها دي..
المعلومة دي انا عرفتها بعد بحث ومحاولات فهم كتير اوي.. هو ايه الروماتويد ده؟ وليه مناعتي ممكن تهاجم جسمي؟ وليه مفاصلي بالذات يعني؟وازاي اكلم مناعتي وافهمها ان اللي بتعمله ده مش في مصلحتنا؟ واننا محتاجين نعمل اعادة تنظيم عشان تفهم ان المفاصل دي جزء من انسجتنا الذاتية عشان تستعيد وظيفتها الطبيعية في التفريق بين كل ما هو ذاتي وما هو غير ذاتي.. وان ده هو العلاج الحقيقي للروماتويد
كان نفسي حد يقولي روحي يابنتي خدي ٤٠ مليجرام من Undenatured Type II Collagen (UC-II) كولاجين النوع الثاني غير المتحلل
ده كولاجين محتفظ بشكله الاصلي مش متكسر.. هدفه الاساسي انه يزود التسامح المناعي مع خلايا الغضاريف اللي المناعة بتهاجمها في الروماتويد.. بيدخل الجهاز الهضمي، يتم عرضه على الخلايا المناعية في الامعاء “اول محطة مناعية مناعية لاعادة ضبط الاستجابات المناعية” عشان تعزز انتاج T-regs الخلايا المناعية التنظيمية.. دي اللي بتقول للخلايا المناعية التانية المسؤولة عن الهجوم، استني ده تبعنا مش تهديد، فمش محتاجين نعمل التهاب هنا.. بمعنى ابسط، اعادة تدريب للمناعة عشان تبدأ تتسامح مع انسجة المفاصل اكتر وتبطل تهاجمها.. يعني ده كولاجين بيكلم المناعة مش المفاصل.. غير انواع الكولاجين المتحلل العادية اللي بنستخدمها عشان دعم الجلد والمفاصل والامعاء
والدراسات اللي اتعملت عليه قالت انه بيساهم بالفعل في تخفيف الالتهاب والالم والتيبس وبيقلل مؤشرات الالتهاب.. مش بس الروماتويد على فكرة، من الحالات اللي اثبت فعالية معاها كمان حالات خشونة المفاصل لانها بتكون مصحوبة بمستويات مرتفعة من الالتهاب
السؤال اللي ناس كتير ممكن تسأله.. طيب لو انا باخد ادوية الروماتويد التقليدية زي ميثوتريكسات وهيدروكسي كلوروكين اللي هو بلاكونيل، ينفع بردو استخدمه من غير ما اضطر اوقفهم؟ اه ينفع جدا.. لان مافيش بينهم اي تداخلات دوائية
محتاجين نفهم بس ان المشاكل الصحية بتتحل لما نفهم لغة جسمنا ونتعلم نسمع ونتكلم معاه بلغته.. صدقوا في حدسكم، لان تجاهل الحدس ده هو اصل كل المشاكل.. وانا عمري ما قابلت حد حدسه بيقوله.. تعايش مع الوجع اصل مافيش علاج
#علاج_الروماتويد #اعراض_الروماتويد #مرض_الروماتويد #التهاب_المفاصل #الم_المفاصل #تيبس_المفاصل #تورم_المفاصل #خشونة_المفاصل #امراض_المناعة_الذاتية #الالتهاب_المزمن #rheumatoidarthritis #arthritis #autoimmune #inflammation #jointpain #chronicinflammation #functionalmedicine #holistichealth #ندى_حرفوش
إخلاء مسؤولية طبي (Medical Disclaimer):
المحتوى المقدم في هذا الفيديو هو بغرض التعليم والتوعية العامة فقط، ولا يعتبر استشارة طبية مهنية أو تشخيصاً أو علاجاً. المعلومات الواردة هنا تعبر عن تجارب وأبحاث في مجال التغذية العلاجية والطب البديل. يجب دائماً استشارة الطبيب المختص قبل البدء في أي نظام غذائي جديد أو تناول مكملات غذائية، خاصة إذا كنت تعاني من حالة طبية مزمنة أو تتناول أدوية بانتظام. الاعتماد على المعلومات الواردة في هذا الفيديو يتم على مسؤوليتك الشخصية
