اكتشاف هام عن الأمراض المناعية

اكتشاف هام عن الأمراض المناعية
مش كل مرض مناعي معناه إن الچينات بايظة، أغلب الحالات الچين موجود وشغال بس محتاج دعم… ضغط نفسي وصدمات ونقص عناصر والتهاب مزمن وميكروبيوم تعبان وسموم حوالينا.. كل ده بيضعف التنظيم المناعي واحدة واحدة، ولما نرجع نشتغل على الجذور ونقوّي التوازن بدل ما نثبّط المناعة، الجسم بيبدأ يفهم نفسه تاني، وده بالظبط اللي بقوله دايمًا إن المناعة مش عدوك، هي بس محتاجة تتنظم

العلماء دول اكتشفوا جين اسمه FOXP3 الجين ده موجود عند كل البشر، وظيفته الاساسية هي اصدار التعليمات للتي سيلز، عشان تتحول لتي ريجز فتوقف وتمنع الهجوم على انسجة وخلايا الجسم، باختصار هو مفتاح الكهربا اللي لو شغال عملية التنظيم تحصل بكفاءة، مش شغال ايرور فشلت عملية التنظيم لما الجين ده يتعطل تبدأ المناعة تهاجم ما هو ذاتي.. طيب ايه اللي بيخليه مايشتغلش؟ طفرة جينية زي طفرات جينية كتير بتحصل في اجسامنا

السؤال الاهم.. هل ده معناه ان كل مرضى المناعة الذاتية عندهم الطفرة الجينية دي والجين ده عندهم معطل؟ لا.. الكلام ده بينطبق على الناس اللي عندهم امراض مناعية عنيفة، وبيكون عندهم امراض مناعية متعددة والعلاجات التقليدية كلها زي مثبطات المناعة والادوية البيولوجية مش بتجيب معاهم اي نتيجة، والحالة دي معروفة بمتلازمة متلازمة IPEX.. وهما دول الفئة اللي ممكن تستفيد بشكل كبير جدا من التطبيقات اللي هتحصل بعد الاكتشاف ده وهقولكم عليها دلوقتي

طيب لو انا مش من الناس دول.. انا عندي مرض مناعي وحالتي احيانا مستقرة احيانا بتعب، الادوية احيانا بتريحني احيانا لا، زي ٩٠٪ من مرضى المناعة الذاتية.. يبقى انت مش من الفئة دي، ولحسن الحظ جين الفوكس بي ثري عندك مش معطل، لا هو موجود وشغال، لكن ممكن نشاطه يكون ضعيف شوية ومحتاج دعم.. وهو ده اللي بنسميه دعم ما فوق الجينات، احنا مش بنغير الجينات احنا بنحاول نحسن الجين اكسبرشن.. او التعبير الجيني، الطريقة اللي الجينات بتشتغل بيها
وده لان اصلا ضعف الجين ده بيحصل بسبب العوامل البيئية اللي كلنا خلاص بقينا عارفين انها دايما بتسبق الاصابة بالمرض المناعي، زي الضغوط النفسية والصدمات.. نقص العناصر الغذائية الضرورية لعمل الجهاز المناعي، الالتهابات المستمرة، اضطرابات الميكروبيوم، السموم البيئية.. وكل الحاجات دي احنا اتكلمنا عليها قبل كدة في عشرات الحلقات لو مابقوش مئات والله مانا عارفة

آخر نقطة بقى هوضحها.. ايه التطبيقات اللي متوقع المصابين يستفيدوا منها بعد الاكتشاف ده؟
اول حاجة العلاج بالتي ريجز.. عن طريق انهم ياخدوا الخلايا التنظيمية دي من المريض، ويزودوا اعدادها في المختبر ويحقنوه بيها، ودي طريقة واعدة جدا لانها بتستخدم خلايا المريض نفسه.. الفكرة ان هما في الاخر بيرجعوله التي سيلز عشان هي تقوم بدورها الطبيعي لو كانت هتقوم بيه بشكل طبيعي
الطريقة التانية هي التعديل الجيني، انهم يعدلوا الجين نفسه، او انهم يضيفوا للمريض نسخة سليمة غير معطلة من الجين

طيب احنا بقى نقدر نعمل ايه او نستفيد ازاي من القصة دي دلوقتي؟ نقدر نستفيد عن طريق عشرات المواد الطبيعية اللي بتشتغل على تعديل وظيفة الجهاز المناعي، وتنظيم مستويات التي سيلز وطريقة عملها اللي بكلمكم عليهم بقالي سنين.. طبعا اللي مهتم ممكن تشوف كل الحلقات اللي اتكلمت فيها عن امراض المناعة