السبب الرئيسي في ارتفاع ضغط الدم.. ليس الملح!

عمرك سألت نفسك قبل كدة ليه نسبة معتبرة من الناس اللي عندهم ضغط عالي عندهم سكر او مقاومة انسولين؟ والعكس اللي عندهم سكر او مقاومة انسولين عندهم ضغط عالي او هيعلى بعد شوية؟ الموضوع بيكون مسألة وقت مش اكتر في حال ماعدلناش نمط الحياة؟
في الوقت اللي كل الناس بتكلمك فيه عن خطورة الملح في اكلك لو اتشخصت بارتفاع الضغط مع ان صعب شوية انك تاخد كميات كبيرة من الملح في الاكل تتسبب في ارتفاع الضغط الا لو بتاكل بروسيسد فود.. يعني لحوم مصنعة جنك فود ووجبات جاهزة مخللات زيادة عن اللزوم.. ماحدش بيكلمك عن السكر او الجلوكوز اللي سهل جدا تاخد منه كتير جدا وهو السبب الاساسي في ارتفاع الضغط
طيب ازاي؟ اول ما مستوى السكر في الدم يرتفع، تلقائيا الكلى بتبدأ تحتفظ بالمياه والسوايل، ويبدأ الجسم في سحب السوايل من الخلايا عشان يخفف تركيز السكر في الدم.. ودي آلية جسمك بيستخدمها عشان يحميك من ارتفاع السكر ويوزع الطاقة اللي دخلاله بسرعة
طيب ما الدنيا شغالة كويس اهو امال ضغطي بيعلى ليه؟ لما جسمك يحتفظ بكل المياه دي حجم الدم يزيد.. تخيل لو عندك خرطوم مياه وفتحت الحنفية باقصى اندفاع هيبقى معدل الضغط جوة الخرطوم عامل ازاي؟ وهو ده اللي بيحصل معاك كل ما بتاكل سكريات او نشويات مكررة زي الخبز والمكرونة والمعجنات او اكل معالج.. والضرر بيكون مضاعف لو ماشي بنظام ٥ وجبات في اليوم او بتاخد سناكس كتير
والحل؟ نظم وجباتك يفضل وجبتين كبار في اليوم او بالكتير ٣ وجبات.. التزم بالصيام المتقطع.. ابدأ وجبتك بالبروتين والدهون والالياف لو بتناسبك.. واختار الكاربوهيدرات من مصادر معقدة زي الارز والبطاطس والبطاطا الحلوة