الطفيليات تسيطر على عقلك!! شاهد للنهاية

هل الطفيليات هي سبب الاصابة بكل الامراض؟ سكر وضغط وامراض مناعية والزهايمر وحتى السرطان؟ وهل الطفيليات تقدر تتحكم في سلوكك وتفكيرك وتصرفاتك؟
الباراسايتس او الطفيليات مش بريئة تماما.. هي ممكن تسبب مشاكل صحية كتير، زي تأخر النمو عند الاطفال.. فقر الدم المقاوم للعلاج لو استمرت الاصابة بيها لفترة طويلة، وفقر الدم الشديد يسبب مشاكل اكبر زي الاضطرابات الهرمونية يؤثر على الغدد ويعمل مشاكل في التوازن والذاكرة والتركبز.. تعب وضعف عام.. واكيد هتسبب مشاكل هضمية، امساك او اسهال، التهابات في الجهاز الهضمي، ارتشاح امعاء لو استمرت لفترة، سوء تغذية.. ولو فيه حالة التهابية ممكن تفاقمها وتزيد الاعراض سوء زي الربو والاكزيما والحساسية، ولو فيه مرض مناعي تفاقم الاعراض لان وجودها مهيج للجهاز المناعي وبيلخبطه اكتر.. الباراسايتس ممكن تؤثر على الحالة النفسية والمزاجية، تعمل قلق وتوتر، ممكن اكتئاب، اضطرابات في النوم، كريفنجس واشتهاء للحلويات والمصنعات.. لكن الطفيليات مش هتتحكم في تصرفاتك وتفكيرك، ومافيش ناس عايزة تسيطر على عقلك وتفكيرك عن طريق اصابتك بالطفيليات، وكمان مش هي السبب في الضغط والسكر ومش هتسبب مرض مناعي لوحدها.. الكلام ده جذاب وبيجيب ريتش لكن مالوش علاقة بالحقيقة ولا فيه اي دليل عليه.. وخطورته الحقيقية، انه بيخليك تتجاهل الاسباب الحقيقية للمشاكل دي، اللي لو اكتشفتها وحليتها تقدر تعالج نفسلك فعلا.. مش بقلل من خطورة موضوع الطفيليات، اكيد لو مصاب لازم تتعالج وتتخلص منها.. لكن وجودها في حد ذاته دليل على وجود خلل من البداية.. تقدر تعتبرها نتيجة او حلقة في سلسلة احداث ادت لمشاكل اكبر