فيتامين مهم أوي لشكلك وجمالك

انا عارفة ان ماحدش اوي بيتكلم عن فيتامين سي وانه مهم لشكلك وجمالك بس بالعكس فيتامين سي مهم لاكتر من حاجة.. اول حاجة انه مهم جدا لتحفيز الجسم على انتاج الكولاجين، يعني كل ما كان عندك فيتامين سي كفاية جسمك ينتج كولاجين اكتر.. تاني حاجة مهمة جدت لفيتامين سي هي دعم الغدة الكظرية، الادرينال جلاند دي هي الغدة اللي بتنتج هرمونات التوتر زي الكورتيزول.. واحنا كستات دايما كورتيزولنا عالي، دايما متعصبين ومتوترين وقلقانين.. فدايما الغدة الكظرية بتاعتنا مجهدة، واي عضو مجهد في جسمك او عليه سترس عالي لازم دايما تدعميه، فيتامين سي هو اهم داعم للادرينال جلاند، لازم تحافظي على صحية الغدة الكظرية بتاعتك مش بس عشان انتاج الكورتيزول في جسمك يكون متنظم وطبيعي، لا عشان كمان الادرينال جلاند دي هي الباك اب بتاع المبايض، هي اللي بتتولى مهمة دعم الاستروجين بعد انقطاع الطمث لانها بتنتج استروجين، فعشان تحمي نفسك من مشاكل انخفاض الاستروجين السريع اللي بتحصل في المرحلة دي لازم تقدمي الدعم المطلوب للغدة الكظرية عشان لما تحتاجيها تلاقيها.. فيتامين سي وفيتامين ب٥ هما اهم داعمين للغدة الكظرية