صيام رمضان بدون عطش / الحل ليس في كثرة شرب المياه
صيام #رمضان بدون تعب أو عطش أو صداع
المكمل اللي ماينفعش نستغنى عنه في رمضان، وبيكون هو الاولوية اللي بتسبق اي مكمل تاني مهما كانت اهميته.. المكمل ده هو الالكترولايتس او مسحوق الشوارد
الالكترولايتس او الشوارد هي مجموعة المعادن الاساسية اللي بنحتاجها بكميات كبيرة بشكل يومي.. البوتاسيوم، الماغنسيوم، صوديوم، كلورايد.. الشوارد عندها وظايف كتير جدا جدا في الجسم.. نقل الاشارات، عمل الجهاز العصبي، انقباض وانبساط العضلات، تنظيم ضربات القلب هي اساسية جدا جدا، لكن فيه وظيفة هي اللي بتخليها اهم بكتير اثناء الصيام الجاف وهي الترطيب.. عمرك سألت نفسك انا ليه رغم اني بشرب مياه كتير جدا جدا على السحور، بصحى الصبح بردو عطشان وطول اليوم حاسس بجفاف؟ ببساطة لان شرب المياه مش معناه الترطيب، انت ممكن تشرب مياه وترجع تفقدها تاني من غير ما يحصل اي ترطيب على مستوى الخلايا، لان دي عملية بيدخل في تنظيمها بشكل مباشر مستويات الشوارد، لو مافيش شوارد كفاية المياه ماتدخلش الخلايا
ده بيخلي الشوارد مهمة كل يوم، لكن ليه في الصيام بالتحديد اهميتها بتتضاعف؟ عشان في فترات الصيام مافيش اكل، مافيش جلوكوز، بالتالي الجسم مايطلعش انسولين، انخفاض الجلوكوز يخلي الجسم مايمسكش المياه، وانخفاض الانسولين يخلي الكلى تسيب الصوديوم، فنحس بالجفاف اسرع.. الجفاف يحسسك بايه بقى؟
تعب، ارهاق، قريفة ومزاج متقلب وابعد عني دلوقتي يابني ماتخلينيش افطر عليك، صداع، دوخة، ضبابية وصعوبة في التركيز، خفقان.. اه كل الاعراض العنيفة جدا اللي بتحس بيها اول يوم دي ٨٠٪ منها جفاف اساسا مش جوع، حتى احساس الجوع نفسه ساعات كتير جدا بيكون بسبب الجفاف لان الجفاف ممكن يدي للدماغ اشارات جوع مزيفة
الناس اللي بتاخد حباية المسكن ودوا الضغط الواطي كل يوم على السحور.. انا في يوم من الايام كنت واحدة منكم.. وصدقوني لو اخدنا سكوب واحد بس من مسحوق الشوارد بعد السحور، هتنسوا التعب والصداع والارهاق وكل اعراض تعب الصيام.. ومش معنى كلام انه بيرفع الضغط عشان الناس اللي ضغطها عالي، لا مسحوق الشوارد بينظم ضغط الدم، يعني حتى لو ضغطي عالي بردو مهم بالنسبالي.. امال ممنوع على مين؟ الناس اللي عندهم قصور كلوي في المرحلة الرابعة.. لو ماعندكش قصور كلوي انت تمام تقدر تاخد مسحوق الشوارد بأمان تام
