فقدان ونزول الوزن السريع في رمضان / البربرين الساحر

تحسين مستويات الحرق وفقدان الوزن نستغل يعنل فرصة اننا في رمضان وكدة كدة صايمين فناخد حرق احسن ونخس من غير ما نعمل حاجة زيادة يبقى مافيش غيره! ساحر تحسين الحرق في الصيام.. البربرين
البربرين اللي احنا عارفينه ده؟ اه هو.. بيعمل ايه بقى في الصيام؟ البربرين بيعلي الAMPK وده يعتبر مفتاح عمليات الحرق، وفي نفس الوقت بيحسن حساسية الخلايا للانسولين، يعني يرفع من كفاءة استخدامها للجلوكوز.. يعني يسحب السكر من الدم يدخله للخلايا تستهلكه، فانا احس ان عندي طاقة، في نفس الوقت الالتهابات تقل، الوزن ينخفض لاني جسمي هيدخل في حالة حرق الدهون اسرع، كنتيجة طبيعية لاستهلاك الجلوكوز بكفاءة على.. استخدام البربرين مع الصيام بيكون حركة ذكية جدا جدا للناس اللي حرقها واقع، او عندهم زيادة وزن او مقاومة انسولين
طيب مايستخدموش اثناء الصيام؟ الناس اللي عندها سكري نوع اول او تاني وبياخدوا انسولين.. هما اساسا مش مفروض يصوموا صيام جاف، وعندهم رخصة بعدم الصيام، لكن انا عارفة ان ناس كتير مش بتحب تفطر رغم حالتهم الصحية، فمأجورين ان شاء الله لكن لو دي الحالة ماناخدش البربرين
جرعة البربرين من ٥٠٠ لحد ١٠٠٠ مليجرام، ومع الصيام بيكون كفاية ٥٠٠ مليجرام من نوع بيضمن توفر حيوي وامتصاص عالي زي البربرين فيتوسوم او بربرين ليبوميسيل.. الافضل يتاخد مع وجبة السحور، لكن لو اخدتيه بالطريقة دي وحسيتي بأعراض هبوط اثناء الصيام يبقى نخليه مع الفطار لمدة اسبوع، وبعدين نرجعه تاني مع السحور لما يكون جسمنا اتأقلم اكتر مع حرق الدهون

exOf(`/button/${e.button}/embed`)>-1&&a(n,e)})},!1);})()