نتائج مذهلة لشعرك.. واحذري من وضعه اكتر من ساعتين

زيت جوز الهند العادي استخدمه امتى؟ افضل استخدام ليه لو شعرك حالته كويسة مش هايش ومش مقصف ومش بيتكسر جامد، وعايزة تحافظي عليه وتخليه مترطب.. تستخدميه على شعر مبلول قبل الغسيل وتسيبيه لمدة ساعة مثلا وبعدين تغسليه

هل فيه اي استخدام تاني لزيت جوز الهند للشعر؟ اه.. بيساعد على التخلص من القشرة، ولكن.. القشرة اللي سببها الجفاف مش زيادة الفطريات، القشرة اللي سببها الفطريات استخدام زيت جوز الهند ممكن يخليها اسوأ زي مثلا التهاب الجلد الدهني
طيب افرق بينهم ازاي؟
القشرة اللي سببها جفاف بتكون عاملة زي الباودر، متطايرة خفيفة وناشفة ولونها ابيض.. القشرة الفطرية بتكون فليكس كبيرة، لونها مصفر شوية، غالبا بتبقى لازقة في فروة الشعر، والفروة عموما بتكون دهنية اكتر، دي مانستخدمش معاها زيت جوز الهند خالص
قشرة الجفاف نستخدم معاها زيت جوز الهند المجزأ بردو.. ليه المجزأ مش العادي؟ لان العادي تقيل وممكن يسد المسام ويعمل مشاكل والتهابات في فروة الشعر
ايه طريقة الاستخدام؟ ٧ نقط من زيت جوز الهند المجزأ، ندلك بيها الفروة لمدة ٥ دقايق.. نسيب الزيت على الفروة من نص ساعة لساعة وبعدين يتغسل.. قاعدة عامة، ممنوع نسيب اي زيت على فروة الشعر لمدة تتجاوز الساعتين ل٣ ساعات مهما كان مفيد وجميل ورائع، الناس اللي بتنام بالزيت دي وصفة سحرية لتساقط شعري، لو عايزة تتخلصي من شعرك تماما وتبقي قرعة نامي بالزيت على فروة شعرك

exOf(`/button/${e.button}/embed`)>-1&&a(n,e)})},!1);})()