ليش اتوقفت مبادرته اتجاهك….وانتي الي هلأ عم بتبادري؟

في لحظة معينة بالعلاقة، بدون ما تنتبهي، كل إشي بتغيّر، وبتلاقي حالك انتقلتي من مكان كنتي فيه مرتاحة وعم تستقبلي، لمكان صرتي فيه عم تركضي ورا العلاقة وكأنك خايفة تخسريها

بالبداية كل إشي كان بسيط، هوي ببادر، بسأل، مهتم، وانتي مسترخية وعم تعيشي الإحساس بدون تفكير، بس فجأة بيخف، وبهديك اللحظة جواتك بصير في إشي، خوف خفيف، قلق، وعدم أمان، وهاد الاشي هو اللي بيدفشك تتحركي

وهون اللي بصير فعليًا إنك بتطلعي من مكانك، وبتفوتي بمكان مش إلك، بتبلشي تبادري، تسألي، تحاولي، تعطي أكتر، وكأنك عم ترجّعي العلاقة زي ما كانت، بس الحقيقة إنك عم تبعدي أكتر عن حالك

هون بدأ التعلّق

لأنك ربطتي وجوده باحساسك بالقيمة، أول ما خف اهتمامه، حسّيتي إنك انتي اللي نقصتي، فصرتي تعوضي، تعطي، وتتمسكي أكتر

وكل ما تعطي أكتر، هو بيبعد أكتر، مش لأنه ما بده، بس لأنه في ضغط خفيف وصلّه منك، وانتي مش منتبهة عليه

فبتدخلي بدائرة، انتي عم تقربي مشان ترتاحي، وهو عم يبعد لأنه مش مرتاح، وكل مرة بتعيد نفس السيناريو

والمشكلة هون مش فيه، المشكلة إنو هاد الإشي لمس مكان قديم جواتك، مكان متعوّد إنو الحب بده جهد، وإنو القرب بده تعب، وإنك لازم تعملي إشي مشان يضل الشخص

وإذا حسيتي إنو هاد الحكي عنك، وبدك تفهمي هاد النمط عندك بشكل أعمق، وبدك تتعلمي كيف ترجعي لمكانك وتعيشي أنوثتك براحة، ممكن تحجزي مكالمتك المجانية مع الفريق، نحكي فيها عن وضعك، ونشوف إذا مجتمع ملكات الأنوثة مناسب إلك بهالمرحلة، من خلال الرابط التالي:

https://www.femininequeensawakening.com/social