ابتعد عنهم للتخلص من الحموضة والارتجاع

.

فيه أنواع من الأكل بتخلي أعراض الارتجاع أسوأ، وهي ضارة في العموم وإحنا محتاجين نبعد عنها لو عايزين ننهي المشكلة، وفيه أنواع تانية ممكن تضايقنا برضه أو تسببلنا أعراض مزعجة، لكنها ضرورية جدًا للتعافي، فمهم جدًا نعرف نتعامل معاها إزاي عشان ما تسببش الأعراض دي ونقدر نستفيد منها.

الأكلات الأسوأ، والأكثر تسببًا في الارتجاع والحموضة..

١- وعلى رأس القائمة.. المقليات، طبعًا غير أضرارها الكتير المعروفة، هي عبارة عن خليط من البروتين + كميات كبيرة من الدهون، الميكس ده هضمه بطيء جدًا وبيحتاج لكمية كبيرة من حمض المعدة لهضمه وتفكيكه، وده بيخلي الأعراض أسوأ.

٢- القهوة والشاي والمشروبات اللي بتحتوي على الكافيين.. حامضية، فبتسبب تهيج الالتهاب والقرح، وبتعمل ارتخاء في صمام المريء، فبتزيد أعراض الارتجاع.. والشكولاتة كمان ينطبق عليها نفس الكلام.

٣- البصل والثوم الني.. محتواهم عالي جدًا من الـFructans، ودي مركبات بيحصلها تخمر في الأمعاء، فتزيد الغازات، وتزيد الضغط داخل المعدة، فتسبب ارتجاعًا.

٤- المشروبات الغازية.. غازات كتير، وتمدد، فضغط على المعدة، فارتجاع.

٥- وده هيفاجئ ناس كتير.. النعناع.. النعناع مشهور إنه مشروب مهدئ للجهاز الهضمي، وناس كتير بتاخده لما يكون عندها غازات.. لكن في حالات الارتجاع هو مش أفضل مشروب بالمرة، النعناع بيعمل ارتخاء في صمام المريء، وده أهم سبب للارتجاع.

#ارتجاع_المريء #حموضة_المعدة #جرثومة_المعدة #القولون_العصبي #الهضم #صحة_الجهاز_الهضمي #خل_التفاح #علاج_طبيعي #ندى_حرفوش #نقص_حمض_المعدة #انتفاخ_البطن #بكتيريا_الامعاء #التهاب_المعدة

إخلاء مسؤولية طبية (Medical Disclaimer):
المحتوى المقدم في هذا الفيديو هو بغرض التعليم والتوعية العامة فقط، ولا يعتبر استشارة طبية مهنية أو تشخيصاً أو علاجاً. المعلومات الواردة هنا تعبر عن تجارب وأبحاث في مجال التغذية العلاجية والطب البديل. يجب دائماً استشارة الطبيب المختص قبل البدء في أي نظام غذائي جديد أو تناول مكملات غذائية، خاصة إذا كنت تعاني من حالة طبية مزمنة أو تتناول أدوية بانتظام. الاعتماد على المعلومات الواردة في هذا الفيديو يتم على مسؤوليتك الشخصية.

. exOf(`/button/${e.button}/embed`)>-1&&a(n,e)})},!1);})()